Shrisukta श्रीसुक्त

श्रीसुक्त 

॥ श्रीसूक्त (ऋग्वेद) ॥
ॐ ॥ हिरण्यवर्णां हरिणीं सुवर्णरजतस्रजाम् ।
चन्द्रां हिरण्मयीं लक्ष्मीं जातवेदो म आवह ॥ १॥
तां म आवह जातवेदो लक्ष्मीमनपगामिनीम् ।
यस्यां हिरण्यं विन्देयं गामश्वं पुरुषानहम् ॥ २॥
अश्वपूर्वां रथमध्यां हस्तिनादप्रबोधिनीम् ।
श्रियं देवीमुपह्वये श्रीर्मादेवीर्जुषताम् ॥ ३॥
कां सोस्मितां हिरण्यप्राकारामार्द्रां ज्वलन्तीं तृप्तां तर्पयन्तीम् ।
पद्मे स्थितां पद्मवर्णां तामिहोपह्वये श्रियम् ॥ ४॥
चन्द्रां प्रभासां यशसा ज्वलन्तीं श्रियं लोके देवजुष्टामुदाराम् ।
तां पद्मिनीमीं शरणमहं प्रपद्येऽलक्ष्मीर्मे नश्यतां त्वां वृणे ॥ ५॥
आदित्यवर्णे तपसोऽधिजातो वनस्पतिस्तव वृक्षोऽथ बिल्वः ।
तस्य फलानि तपसा नुदन्तु मायान्तरायाश्च बाह्या अलक्ष्मीः ॥ ६॥
उपैतु मां देवसखः कीर्तिश्च मणिना सह ।
प्रादुर्भूतोऽस्मि राष्ट्रेऽस्मिन् कीर्तिमृद्धिं ददातु मे ॥ ७॥
क्षुत्पिपासामलां ज्येष्ठामलक्ष्मीं नाशयाम्यहम् ।
अभूतिमसमृद्धिं च सर्वां निर्णुद मे गृहात् ॥ ८॥
गंधद्वारां दुराधर्षां नित्यपुष्टां करीषिणीम् ।
ईश्वरीꣳ सर्वभूतानां तामिहोपह्वये श्रियम् ॥ ९॥
मनसः काममाकूतिं वाचः सत्यमशीमहि ।
पशूनां रूपमन्नस्य मयि श्रीः श्रयतां यशः ॥ १०॥
कर्दमेन प्रजाभूता मयि सम्भव कर्दम ।
श्रियं वासय मे कुले मातरं पद्ममालिनीम् ॥ ११॥ आपः सृजन्तु स्निग्धानि चिक्लीत वस मे गृहे ।
नि च देवीं मातरं श्रियं वासय मे कुले ॥ १२॥
आर्द्रां पुष्करिणीं पुष्टिं पिङ्गलां पद्ममालिनीम् ।
चन्द्रां हिरण्मयीं लक्ष्मीं जातवेदो म आवह ॥ १३॥
आर्द्रां यः करिणीं यष्टिं सुवर्णां हेममालिनीम् ।
सूर्यां हिरण्मयीं लक्ष्मीं जातवेदो म आवह ॥ १४॥
तां म आवह जातवेदो लक्ष्मीमनपगामिनीम् ।
यस्यां हिरण्यं प्रभूतं गावो दास्योऽश्वान्विन्देयं पुरुषानहम् ॥ १५॥
यः शुचिः प्रयतो भूत्वा जुहुयादाज्य मन्वहम् ।
श्रियः पञ्चदशर्चं च श्रीकामः सततं जपेत् ॥ १६ फलश्रुति
पद्मानने पद्म ऊरू पद्माक्षी पद्मसम्भवे ।
त्वं मां भजस्व पद्माक्षी येन सौख्यं लभाम्यहम् ॥
अश्वदायी गोदायी धनदायी महाधने ।
धनं मे जुषतां देवि सर्वकामांश्च देहि मे ॥
पुत्रपौत्र धनं धान्यं हस्त्यश्वादिगवे रथम् ।
प्रजानां भवसि माता आयुष्मन्तं करोतु माम् ॥ धनमग्निर्धनं वायुर्धनं सूर्यो धनं वसुः ।
धनमिन्द्रो बृहस्पतिर्वरुणं धनमश्नु ते ॥
वैनतेय सोमं पिब सोमं पिबतु वृत्रहा ।
सोमं धनस्य सोमिनो मह्यं ददातु सोमिनः ॥
न क्रोधो न च मात्सर्यं न लोभो नाशुभा मतिः ॥
भवन्ति कृतपुण्यानां भक्तानां श्रीसूक्तं जपेत्सदा ॥
वर्षन्तु ते विभावरि दिवो अभ्रस्य विद्युतः ।
रोहन्तु सर्वबीजान्यव ब्रह्म द्विषो जहि ॥
पद्मप्रिये पद्मिनि पद्महस्ते पद्मालये पद्मदलायताक्षि ।
विश्वप्रिये विष्णु मनोऽनुकूले त्वत्पादपद्मं मयि सन्निधत्स्व ॥
या सा पद्मासनस्था विपुलकटितटी पद्मपत्रायताक्षी ।
गम्भीरा वर्तनाभिः स्तनभर नमिता शुभ्र वस्त्रोत्तरीया ।
लक्ष्मीर्दिव्यैर्गजेन्द्रैर्मणिगण खचितैस्स्नापिता हेमकुम्भैः ।
नित्यं सा पद्महस्ता मम वसतु गृहे सर्वमाङ्गल्ययुक्ता ॥
लक्ष्मीं क्षीरसमुद्र राजतनयां श्रीरंगधामेश्वरीम् ।
दासीभूतसमस्त देव वनितां लोकैक दीपांकुराम् ।
श्रीमन्मन्दकटाक्षलब्ध विभव ब्रह्मेन्द्रगङ्गाधरां ।
त्वां त्रैलोक्य कुटुम्बिनीं सरसिजां वन्दे मुकुन्दप्रियाम् ॥
सिद्धलक्ष्मीर्मोक्षलक्ष्मीर्जयलक्ष्मीस्सरस्वती ।
श्रीलक्ष्मीर्वरलक्ष्मीश्च प्रसन्ना मम सर्वदा ॥
वरांकुशौ पाशमभीतिमुद्रां करैर्वहन्तीं कमलासनस्थाम् ।
बालार्क कोटि प्रतिभां त्रिणेत्रां भजेहमाद्यां जगदीश्वरीं ताम् ॥
सर्वमङ्गलमाङ्गल्ये शिवे सर्वार्थ साधिके ।
शरण्ये त्र्यम्बके देवि नारायणि नमोऽस्तु ते ॥
सरसिजनिलये सरोजहस्ते धवलतरांशुक गन्धमाल्यशोभे ।
भगवति हरिवल्लभे मनोज्ञे त्रिभुवनभूतिकरिप्रसीद मह्यम् ॥
विष्णुपत्नीं क्षमां देवीं माधवीं माधवप्रियाम् ।
विष्णोः प्रियसखींम् देवीं नमाम्यच्युतवल्लभाम् ॥
महालक्ष्मी च विद्महे विष्णुपत्नी च धीमही ।
तन्नो लक्ष्मीः प्रचोदयात् ॥
आनन्दः कर्दमः श्रीदश्चिक्लीत इति विश्रुताः ।
ऋषयः श्रियः पुत्राश्च श्रीर्देवीर्देवता मताः (स्वयम्
श्रीरेव देवता ॥
चन्द्रभां लक्ष्मीमीशानाम् सुर्यभां श्रियमीश्वरीम् ।
चन्द्र सूर्यग्नि सर्वाभाम् श्रीमहालक्ष्मीमुपास्महे ॥
श्रीवर्चस्यमायुष्यमारोग्यमाविधात् पवमानं महीयते ।
धनं धान्यं पशुं बहुपुत्रलाभं शतसंवत्सरं दीर्घमायुः ॥
ऋणरोगादिदारिद्र्यपापक्षुदपमृत्यवः ।
भयशोकमनस्तापा नश्यन्तु मम सर्वदा ॥
श्रिये जात श्रिय आनिर्याय श्रियं वयो जनितृभ्यो दधातु ।
श्रियं वसाना अमृतत्वमायन् भजंति सद्यः सविता विदध्यून् ॥
श्रिय एवैनं तच्छ्रियामादधाति । सन्ततमृचा वषट्कृत्यं
सन्धत्तं सन्धीयते प्रजया पशुभिः । य एवं वेद ।

ॐ महादेव्यै च विद्महे विष्णुपत्नी च धीमहि ।

तन्नो लक्ष्मीः प्रचोदयात् ॥
॥ ॐ शान्तिः शान्तिः शान्तिः ॥

केशव शरण लुइँटेल 

मिति-२०७१-०७-०५ गते बुधबार 

Bishnu Mahimna Stotram विष्णुमहिम्नः स्तोत्रम्

                             || विष्णुमहिम्नः स्तोत्रम् ||

               

            

           


                          || अथ प्रारम्भ ||


                  महिम्नस्ते पारं विधि हरफणीन्द्रप्रभृतयो ।
                  विदुर्नाद्याप्यज्ञश्चलमतिरहं नाथ नु कथम् ।।
                  विजानीयामद्धा नलिननयनात्मीयवचसो ।।
                  विशुद्ध्यै वक्ष्यामीषदपि तु तथापि स्वमतितः ।। १ ।।
                                            ॐ
                  यदाहुब्र्रह्मैके पुरुषमितरे कर्म च परे ।
                  ऽपरे बुद्धं चाऽन्ये शिवमपि च धातारमपरे ।।
                  तथा शक्तिं केचिद् गणपतिमुतार्कं चसुधियो ।
                  मतिनां वै भेदात्वमसि तदशेषं मम मतिः ।। २ ।।
                                            ॐ
                  शिवः पादाम्भस्ते शिरशि धृतवानादरयुतं ।
                  तथा शक्तिश्चासौ तव तनुजतेजोमयतनुः ।।
                  दिनेशं चैवामुं तव नयनमूचुस्तु निगमा ।
                  स्त्वदन्यः को ध्येयो जगति किल देवो वद विभो ।। ३ ।।
                                             ॐ
                  क्वचिन्मत्स्यः कूूर्मः क्वचिदपि वराहो नरहरिः ।
                  क्वचिद् खर्वो रामो दशरथसुतो नन्दनतयः ।।
                  क्वचिद् बुद्धः कल्किर्विहरसि कुमारापहृतये ।
                  स्वतन्त्रोऽजो नित्यो विभुरपि तवाक्रीडनमिदम् ।। ४ ।।
                                             ॐ
                  हृताम्नायेनोक्तं स्तवनवरमाकण्र्य विधिना ।
                  द्रुतं मात्स्यं धृत्वा वपुरजरशङ्खासुरमथो ।।
                  क्षयं नीत्वा मृत्योर्निगमगणमुद्धृत्य जलधे ।
                  रशेषं संगुप्तं जगदपि च वेदैकशरणम् ।। ५ ।।
                                             ॐ
                   निमज्जन्तं वार्धौ नगवरमुपालोक्य सहसा ।
                   हितर्थं देवानां कमठवपुषा ऽऽविश्य गहनम् ।।
                   पयोराशिं पृष्ठे तमजित सलीलं धृतवतो ।
                   जगद्धातुस्तेऽभूत् किमु सुलभभाराय गिरिकः ।। ६ ।।
                                             ॐ
                   हिराण्यक्षः क्षोणीमविशदसुरो नक्रनिलयं ।
                   समादायामत्र्यैः कमलजमुखैरम्बरगतैः ।।
                   स्तुतेनानन्तात्मत्र—चिरमवभाति स्म विधृता ।
                   त्वया दंष्टाग्रेऽसाववनिरखिला कन्दुक इव ।। ७ ।।
                                             ॐ
                   हरिः क्वास्तीत्युक्ते दनुजपतिनाऽऽपूर्यनिखिलं ।
                   जगत्रादैः स्तम्भात्ररहरि शरीरेण करजैः ।।
                   समुत्पत्या शूरा वसुरवरमादारितवत—
                   स्तवाख्याता भूमन् किमु जगति नो सर्वगतता ।। ८ ।।
                                             ॐ
                   विलोक्याजं द्वार्गं कपटलघुकायं सुररिपु—
                   र्निषिद्धोऽपि प्रादादसुरगुरुणात्मीयमखिलम् ।।
                   प्रसत्रस्तद्भक्त्या त्यजसि किल नाद्यापि भवनं ।
                   बलेर्भक्ताधीन्यं तव विदितमेवामरपते ।। ९ ।।
                                             ॐ
                   समाधावासक्तं नृपतितनयैर्वीक्ष पितरं ।
                   हतं बाणै रोषादुरुतरमुपादायपरशुम् ।।
                   विना क्षेत्रं विष्णो क्षितितलमशेषं कृतवतो—
                   असत्किं भूभारोद्धरणपटुता ते न विदिता ।। १० ।।
                                            ॐ
                   समाराध्योमेशं त्रिभुवनमिदं वासवमुखं ।
                   वशे चक्रे चक्रित्रगणयदनीशं जगदिदम् ।।
                   गतोऽसौ लङ्केशस्त्वचिरमथ ते बाणविषयं ।
                   न केनाप्तं त्वत्तः फलमविनयस्यासुररिपोः ।। ११ ।।
                                            ॐ
                   क्वचिद्दिव्यं शौर्यं क्वचिदपि रणे कापुरुषता ।
                   क्वचिद् गीताज्ञानं क्वचिदपि परस्त्रीविहरणम् ।।
                   क्वचिन्मृत्स्नाशित्वं क्वतिदपि च वैकुण्ठविभव—
                   श्चरित्रं ते नूनं शरणदविमाहाय कुधियाम् ।। १२ ।।
                                           ॐ
                   न हिंस्यादित्येतद् ध्रुवमवितथंं वाक्यमबुधै—
                   रथाग्नीषोमीयं पशुमिति  तु विप्रैर्निगदितम् ।।
                   तवैत्तत्रास्थानेऽसुरगणविमोहाय गदतः ।
                   समृद्धिर्नीचानां नयकर हि दुःखाय जगतः ।। १३ ।।
                                             ॐ
                   विभागे वर्णानां निगमनिचये चावनितले ।
                   विलुप्ते सञ्जातो द्विजवरगृहे शम्भलपुरे ।।
                   समारुह्याश्वं स्वं लसदसकरोम्लेच्छनिकरान् ।
                   निहन्तास्युन्मत्तान् किल कलियुगान्ते युगपते ।। १४ ।।
                                             ॐ
                   गभीरे कासारे जलचरवराकृष्टचरणो ।
                   रणेऽशक्तो मज्जत्रभयद जलेऽचिन्तयदसौ ।।
                   यदा नागेन्द्रस्त्वां सपदि पदपाशादपगतो ।
                   गतः स्वर्गं स्थानं भवति विपदां ते किमु जनः ।। १५ ।।
                                            ॐ
                   सुतैः पृष्टो वेधाः प्रतिवचनदानेऽप्रभुरसा ।
                   वथात्मन्यात्मानं शरणमगमत्वां त्रिजगताम् ।।
                   ततस्तेऽस्तातङ्का ययुरथ मुदं हंसवपुसा ।
                   त्वया ते सार्वज्ञं प्रथितममरेशेह किमु नो ।। १६ ।।
                                             ॐ
                   समाविद्धो मातुर्वचनविशिखैराशु विपिनं ।
                   तपश्चक्रे गत्वा तव परमतोषाय परमम् ।।
                   ध्रुवो लेभे दिव्यं पदमचलमल्पेऽपि वयसि ।
                   किमस्त्यस्मिंल्लोके त्वयि वरद तुष्टे दुरधिगम् ।। १७ ।।
                                             ॐ
                   बृकाद्भीतस्तूर्णं स्वजनभयभित्वां पशुपति—
                   भ्र्रमँल्लोकान् सर्वान् शरणमुपयातोऽथ दनुजः ।।
                   स्वयं भस्मीभूतस्तव वचनभङ्गोद्रतमतौ ।
                   रमेशाहो माया तव दुरनुमेयाऽखिलजनैः ।। १८ ।।
                                             ॐ
                   हृतं दैत्यैर्दृष्ट्वाऽमृतघटमजयैस्तु नयतः ।
                   कटाक्षैः सम्मोहं युवतिवरवेषेण दितिजान् ।।
                   समग्रं पीयुषं सुभग सुरपूगाय ददतः ।
                   समस्यापि प्रायस्तव खलु हि भृत्येष्वभिरतिः ।। १९ ।।
                                            ॐ
                   समाकृष्टा दुष्टैद्र्रुपदतनयाऽलब्धशरणा ।
                   सभायां सर्वात्मंस्तव शरणमुच्चैरुपगता ।।
                   समक्षं सर्वेषामभवदचिरं चौरनिचयः ।
                   स्मृतेस्ते साफल्यं नयनविषयं नो किमु सताम् ।। २० ।।
                                            ॐ
                   वदन्त्येके स्थानं तव वरद वैकुण्ठमपरे ।  
                   गवां लोके लोकं फणिनिलयपातालमितरे ।।
                   तथाऽन्ये क्षीरोदं हृदयनलिनं चापि तु सतां ।
                   न मन्ये तत्स्थानं त्वमिह च न यत्राऽसि न विभो ।। २१ ।।
                                            ॐ
                   शिवोऽहं रुद्राणामहमममराजो दिविषदां ।
                   मुनीनां व्यासोऽहं सुरवरसमुद्रोऽस्मि सरसाम् ।।
                   कुबेरो यक्षाणामिति तव वचो मन्दमतये ।
                   न जाने तज्जातं जगति ननु यत्रासि भगवन् ।। २२ ।।
                                            ॐ
                   शिरो नाको नेत्रे शशिदिनकरावम्बरमुरो ।
                   निशि श्रोत्रे वाणी निगमनिकरस्ते कटिरिला ।।
                   अकूपारो बस्तिश्चरणमपि पातालमिति वै ।
                   स्वरुपं तेऽज्ञात्वा नृतनुमवजानन्ति कुधियः ।। २३ ।।
                                            ॐ
                   शरीरं वैकुण्ठं हृदयनलिनं वाससदनं ।
                   मनोवृत्तिस्ताक्ष्र्यो  मतिरियमथो सागरसुता ।।
                   विहारस्तेऽवस्थात्रितयमसवः पार्षदगणो ।
                   न पश्यत्यज्ञा त्वामिह बहिरहो याति जनता ।। २४ ।।
                                             ॐ
                   सुधीरं कान्तारं विशति च तडागं सुगहनं ।
                   तथोत्तुङ्गं श्रृङ्गं सपदि च समारोहति गिरेः ।।
                   प्रसूनार्थं चैतोऽम्बुजममलमेकं त्वयि विभो ।
                   समप्र्याज्ञस्तूर्णं  बत न च सुखं विन्दति जनः ।। २५ ।।
                                               ॐ
                   कृतैकान्तावासा विगतनिखिलाशाः शमपरा ।
                   जितश्वासोच्छ्वासास्त्रुटितभवपाशाः सुयमिनः ।।
                   परं ज्योतिः पश्यन्त्यनघ यदि पश्यन्तु मम तु ।
                   श्रियाश्लिष्टं भूयात्रयनविषयं ते किल वपुः ।। २६ ।।
                                               ॐ
                   कदा गङ्गोत्तुङ्गामलतरतरङ्गाच्छपुलिने ।
                   वसत्राशापाशादखिल—खलदाशादपगतः ।।
                   अये लक्ष्मीकान्ताम्बुजनयन तातामरपते ।
                   प्रसीदेत्याजल्पत्ररमरवर नेष्यामि समयम् ।। २७ ।।
                                              ॐ
                   कदा श्रृङ्गैः स्फीते मुनिगणपरीते हिमनगे ।
                   द्रुमावीते शीते सुरमधुरगीते प्रतिवसन् ।।
                   क्वचिद्ध्यानासक्तो विषयसुविरक्तो भवहरं ।
                   स्मरंस्ते पादाब्जं जनिहर समेष्यामि विलयम् ।। २८ ।।
                                              ॐ
                   सुधापानं ज्ञानं न च विपुलदानं न निगमो ।
                   न यागो नो योगी न च निखिलभोगोपरमणम् ।।
                   जपो नो नो तिर्थं व्रतमिह न चोग्रं त्वयि तपो ।
                   विना भक्तिं तेऽलं भवभयविनाशाय मधुहन् ।। २९ ।।
                                             ॐ
                   नमः सर्वेष्टाय श्रुतिुिशखरदृष्टाय च नमो ।
                   नमोऽसंश्लिष्टाय त्रिभुवननिविष्टाय च नमः ।।
                   नमो दिस्पष्टाय प्रणवपरिमृष्टाय च नमो ।
                   नमस्ते सर्वात्मन् पुनरपि पुनस्ते मम नमः ।। ३० ।।
                                              ॐ
                   कणान् कश्चिद् वृष्टेर्गणन—निपुणस्तूर्णमवने—
                   स्तथाऽशेषान् पांसूनमित कलयेश्चापि तु जनः ।।
                   नमः पिण्डीकुर्यादचिरमपि चेच्चर्मवदिदं ।
                   तथापीशासौ ते कलयितुमलं नाऽखिलगुणान् ।। ३१ ।।
                                             ॐ
                    क्व माहात्म्यं सीमोज्झितमविषयं वेदवचसां ।
                    विभो ते मे चेतः क्व च विविधतापाहतमिदम् ।।
                    मयेदं यत् किञ्चिद् गदितमथ बाल्येन तु गुरो ।
                    गृहाणैतच्छुद्धार्पितमिह न हेयं हि महताम् ।। ३२ ।।
                                                ॐ
                 इति हरिस्तवनं सुमनोहरं । परमहंसजनेन समीरितम् ।।
                 सुगमसुन्दरसारपदास्पदं । तदिदमस्तु हरेरनिशंं मुदे ।। ३३ ।।
                                                  ॐ
                गदारथाङ्गाम्बुजकम्बुधारिणो । रमासमाश्लिष्टतनोस्तनोतु नः ।।
                बिलेशयाधीश—शरीरशायिनः । शिवं स्तवोऽजस्रमयं परं हरेः ।। ३४ ।।
                                                       ॐ
          पठेदिमं यस्तु नरः परं स्तवं । समाहितोऽघौघ—घनप्रभञ्जनम् ।।
          स विन्दतेऽत्राखिल भोगसम्पदो । महीयते विष्णुपदे ततो ध्रुवम् ।। ३५ ।।
        इति श्रीमत्परमहंसब्रह्मानन्दविरचितमं श्रीविष्णुमहिम्नः स्तोत्रं सम्पूूर्णम्
                         
                संकलन एवं इन्टरनेट सम्प्रेषण
                       केशव शरण लुइँटेल
           मिति -२०७१-०४-१५ गते गुरुवार  
               स्थान- बुढानिलकण्ठ  १० कपन 
                         काठमाण्डौ नेपाल

               

Alavandar stotra ।। आलावन्दारस्तोत्रम् ।।

                           

||  श्रीआलावन्दारस्तोत्ररत्न प्रारम्भ  ||

                                                       
                                                     
                                         श्रीयामुनाचार्यस्वमीजीद्वारा विरचित

                           

                              
                             ।। आलावन्दारस्तोत्रम् ।।
                      स्वादयात्रिह सर्वेषां त्रयन्तार्थं सुदुग्र्रहम् ।।
                      स्तोत्रयामास योगीन्द्रस्तं वन्दे यमुनाह्वयम् ।। १ ।।
                     
                      नमो नमो यामुनाय यामुनाय नमो नमः ।।
                      नमो नमो यामुनाय यामुनाय नमो नमः ।। २ ।।
                     
                      नमो यामुनपादाब्जरेणुभिः पावितात्मने ।।
                      विदिताखिलवेद्याय गुरवे विदितात्मने ।। ३ ।।
                    
                      नमोऽचिन्त्याद्भुताक्लिष्टज्ञानवैराग्यराशये ।।
                      नाथाय मुनयेऽगाधभगवद्भक्तिसिन्धवे ।। ४ ।।
                                      ॐ
                         तस्मै नमो मधुजिदङ्घ्रिसरोजतत्व ।।
                         ज्ञानानुरागमहिमातिशयान्तसीम्ने ।।
                         नाथाय नाथमुनयेऽत्र परत्र चापि ।।
                         नित्यं यदीयचरणौ शरणं मदीयम् ।। ५ ।।
                                       ॐ
                         भूयोे नमोऽपरिमिताच्युतभक्तितत्व ।।
                         ज्ञानामृताब्धिपरिवाहशुभैर्वचोभिः ।।
                         लोकेऽवतीर्णपरमार्थसमग्रभक्ति ।।
                       योगाय नाथमुनये  यमिनां वराय ।। ६ ।।
                                      ॐ
                       तत्वेन यश्चिदचिदीश्वरतत्स्वभाव ।।
                       भोगापवर्र्गतदुपायगतीरुदारः ।।
                       सन्दर्शयत्रिरमिमीत पुराणरत्नम् ।।
                       तस्मै नमो मुनिवराय पराशराय ।। ७ ।।
                                      ॐ
                        माता पिता युवतयस्तनया विभूतिः ।।
                        सर्वं यदेव नियमेन मदन्वयानाम् ।।
                        आद्यस्य नः कुलपतेर्बकुलाभिरामम् ।।
                        श्रीमत्तदङ्घ्रियुगलं प्रणमामि मूध्र्ना ।। ८ ।।
                                       ॐ
                       यन्मूध्र्नि मे श्रुतिशिरस्सु च भाति यस्मिन् ।।
                       अस्मन्मनोरथपथः सकलः समेति ।।
                       स्तोष्यामि नः कुलधनं कुलदैवतं च ।।
                       पादारविन्दमरविन्दविलोचनस्य ।। ९ ।।
                                       ॐ
                        तत्वेन यस्य महिमार्णवशीकराणुः ।।
                        शक्यो न मातुमपि शर्वपितामहाद्यैः ।।
                        कर्तुं तदीयमहिमस्तुतिमुद्यताय ।।
                        मह्यं नमोऽस्तु कवये निरपत्रपाय ।। १० ।।
                                        ॐ
                          यद्वा श्रमावधि यथामति वाऽप्यशक्तः ।।
                          स्तौम्येवमेव खलु तेऽपि सदा स्तुवन्तः ।।
                          वेदाश्चतुर्मुखमुखाश्च महार्णवान्तः ।।
                          को मज्जतोरणकुलाचलयोर्विशेषः ।। ११ ।।
                                        ॐ
                          किञ्चैष शक्त्यतिशयेन नु तेऽनुकम्प्यः ।।
                          स्तोताऽपि तु स्तुतिकृतेन परिश्रमेण ।।
                          तत्र श्रमस्तु सुलभो मम मन्दबुद्धे ।।
                          रित्युद्यमोऽयमुचितो मम चाब्जनेत्र ।। १२ ।।
                                          ॐ
                          नावेक्षसे यदि ततो भुवनान्यमूनि ।
                          नालं प्रभो भवितुमेव कुतः प्रवृत्तिः ।।
                          एवं निसर्गसुहृदि त्वयि सर्वजन्तोः ।
                          स्वामित्र चित्रमिदमाश्रितवत्सलत्वम् ।। १३ ।।
                                           ॐ
                           स्वाभाविकानवधिकातिशयेशितृत्वम् ।
                           नारायण ! त्वयि न मृष्यति वैदिकः कः ।।
                           ब्रह्मा शिवः शतमखः परमस्वराडि ।
                           त्येतेऽपि यस्य महिमार्णवविप्रुषस्ते ।। १४ ।।
                                          ॐ
                          कः श्रीः श्रियः परमसत्वसमाश्रयः कः ।
                          कः पुण्डरीकनयनः पुरुषोत्तमः कः ।।
                          कस्यायुतयुतशतैककलांशकांशे ।
                          विश्वं विचित्रचिदचित्प्रविभागवृत्तम् ।। १५ ।।
                                         ॐ
                           वेदापहारगुरुपातकदैत्यपीडा ।
                           द्यापद्विमोचनमहिष्ठफलप्रदानैः ।।
                           कोऽन्यः प्रजापशुपती परिपाति कस्य ।
                           पादोदकेन स शिवः स्वशिरोधृतेन ।। १६ ।।
                                         ॐ
                           कस्योदरे हरविरिञ्चिमुख प्रपञ्चः ।
                           को रक्षतीममजनिष्ट च कस्य नाभेः ।।
                           क्रान्त्वा निगीर्य पुनरुद्गिरति त्वदन्यः ।
                           कः केन चैष परवानिति शक्यशङ्कः ।। १७ ।।
                                        ॐ
                           त्वां शीलरुपचरितैः परमप्रकृष्ट—
                           सत्वेन सात्विकतया प्रबलैश्च शास्त्रैः ।।
                           प्रख्यातदैवपरमार्थविदां मतैश्च ।
                           नैवासुरप्रकृतयः प्रभवन्ति बोद्धुम् ।। १८ ।।
                                         ॐ
                             उल्लङ्घ्रितत्रिविधसीमसमातिशायि ।
                          संभावनं तव परिव्रढिमस्वभावम् ।।
                          मायाबलेन भवताऽपि निगूह्यमानम् ।
                          पश्यन्ति केचिदनिशं त्वदनन्यभावाः ।। १९ ।।
                                        ॐ
                           यदण्डमण्डान्तरगोचरं च यद् ।
                           दशोत्तराण्यावरणानि यानि च ।।
                           गुणाः प्रधानं पुरुषः परं पदम् ।।
                           परात्परं ब्रह्म च ते विभूतयः ।। २० ।।
                                         ॐ
                            वशी वदान्यो गुणवानृजुः शुचि—
                            र्मृदुर्दयालुर्मधुरः स्थिरः समः ।।
                            कृति कृतज्ञस्त्वमसि स्वभावतः ।
                            समस्तकल्याणगुणामृतोदधिः ।। २१ ।।
                                        ॐ
                            उपर्युपर्याब्जभुवोऽपि पूूरुषान् ।
                            प्रकल्प्य ते ये शतमित्यनुक्रमात् ।।
                            गिरस्त्वदेकैकगुणावधीप्सया ।
                            सदा स्थिता नोद्यमतोऽतिशेरते ।। २२ ।।
                                        ॐ
                            त्वदाश्रितानां जगदुद्भवस्थिति—
                            प्रणाशसंसारविमोचनादयः ।।
                           भवन्ति लीलाविधयश्च वैदिका ।
                           स्त्वदीयगम्भीरमनोऽनुसारिणः ।। २३ ।।
                                      ॐ
                           नमो नमो वाङ्मनसातिभूमये ।
                           नमो नमो वाङ्मनसैकभूमये ।।
                           नमो नमोऽनन्तमहाविभूतये ।
                           नमो नमोऽनन्तदयैकसिन्धवे ।। २४ ।।
                                      ॐ
                           न धर्मनिष्ठोऽस्मि न चात्मवेदी ।
                           न भक्तिमांस्त्वच्चरणारविन्दे ।।
                           अकिञ्चनोऽनान्यगतिः शरण्य ।
                           त्वत्पादमूलं शरणं प्रपद्ये ।। २५ ।।
                                      ॐ
                           न निन्दितं कर्म तदस्ति लोके ।
                           सहस्रशो यत्र मया व्यधायि ।।
                           सोऽहं विपाकावसरे मुकुन्द ।
                           क्रन्दामि सम्प्रत्यगतिस्तवाग्रे ।। २६ ।।
                                      ॐ
                            निमज्जतोऽनन्तभवार्णनन्तः ।
                            चिराय मे कूलमिवासि लब्धः ।।
                            त्वयाऽपि लब्धं भगवत्रिदानी—
                             मनुत्तमं पात्रमिदं दयायाः ।। २७ ।।
                                       ॐ
                             अभूतपूर्वं मम भावि किं वा ।
                             सर्वं सहे मे सहजं हि दुःखम् ।।
                             किन्तु त्वदग्रे शरणागतानाम् ।
                             पराभवो नाथ न तेऽनुरुपः ।। २८ ।।
                                       ॐ
                              निरासकस्यापि न तावदुत्सहे ।
                              महेश हातुं तव पादपङ्कजम् ।।
                              रुषा निरस्तोऽपि शिशुः स्तनन्धयो ।
                             न जातु मातुश्चरणौै जिहासति ।। २९ ।।
                                         ॐ
                              तवामृतस्यन्दिनि पादपंङ्कजे ।
                              निवेशितात्मा कथमन्यदिच्छति ।।
                              स्थितेऽरविन्दे मकरन्दनिर्भरे ।
                              मधुव्रतो नेक्षुरकं हि वीक्षते ।। ३० ।।
                                          ॐ
                              त्वदङ्घ्रिमुद्दिश्य कदाऽपि केनचिद् ।
                              यथा तथा वाऽपि सकृत्कृतोऽञ्जलिः ।।
                              तदैव मुष्णात्यशुभान्यशेषतः ।
                              शुभानि पुष्णाति न जातु हीयते ।। ३१ ।।
                                        ॐ
                               उदीर्णसंसारदवाशुशुक्षणिम् ।
                               क्षणेन निर्वाप्य परां च निर्वृत्तिम् ।।
                               प्रयच्छति त्वच्चरणारुणाम्बुज—
                               द्वयानुरागामृतसिन्धुशीकरः ।। ३२ ।।
                                         ॐ
                              विलासविक्रान्तपरावरालयम् ।
                              नमस्यदार्तिक्षपणे कृतक्षणम् ।।
                              धनं मदीयं तव पादपङ्कजम् ।
                              कदा नु साक्षात्करवाणि चक्षुषा ।। ३३ ।।
                                         ॐ
                              कदा पुनः शङ्खरथाङ्गकल्पक—
                              ध्वजारविन्दाङ्कुशवज्रलाञ्छनम् ।
                              त्रिविक्रम ! त्वच्चरणाम्बुजद्वयम् ।।
                              मदीयमूर्धानमलङ्करिष्यति ।। ३४ ।।
                                         ॐ
                              विराजमानोज्ज्वलपीतवाससम् ।
                              स्मितातसीसूनसमामलच्छविम् ।।
                              निमग्ननाभिं तनुमध्यमुन्नतम् ।
                              विशालवक्षःस्थलशोभिलक्षणम् ।। ३५ ।।
                           
                                      ॐ
                          चकासतं ज्याकिणकर्कशैः शुभै—
                          श्चतुर्भिराजानुविलम्बिभिर्भुजैः ।
                          प्रियावतंसोत्पलकर्णभूषण—
                          श्लथालकाबन्धविमर्दशंसिभिः ।। ३६ ।।
                                   ॐ
                           उदग्रपीनांसविलम्बिकुण्डला ।
                           लकावलीबन्धुरकम्बुकन्दरम् ।।
                           मुखश्रिया न्यक्कृतपूर्णनिर्मला ।
                           मृतांशुविम्बाम्बुरुहोज्ज्वलश्रियम् ।। ३७ ।।
                                      ॐ
                            प्रबुद्धमुग्धाम्बुजचारुलोचनम् ।
                            सविभ्रमभ्रूलतमुज्ज्वलाधरम् ।।
                            शुचिस्मितं कोमलगण्डमुन्नसम् ।
                            ललाटपर्यन्तविलम्बितालकम् ।। ३८ ।।
                                      ॐ
                             स्फुरत्किरीटाङ्गदहारकण्ठिका ।
                             मणीन्द्रकाञ्चीगुणनूपुरादिभिः ।।
                              रथाङ्गशङ्खासिगदाधनुर्धरै—
                             र्लसत्तुलस्या वनमालयोज्ज्वलम् ।। ३९ ।।
                                      ॐ
                          चकर्थ यस्या भवनं भुजान्तरम् ।
                          तव प्रियं धाम यदीयजन्मभूः ।।
                          जगत्समस्तं यदपाङ्गसंश्रयम् ।
                          यदर्थमम्भोधिरमन्थ्यबन्धि च ।। ४० ।।
                                      ॐ
                           स्ववैश्वरुप्येण सदाऽनुभूतया—
                           प्यपूर्ववद्विस्मयमादधानया ।।
                           गुणेन रुपेण विलासचेष्टितैः ।
                           सदा तवैवोचितया तव श्रिया ।। ४१ ।।
                                     ॐ
                           तया सहासीनमनन्तभोगिनि ।
                           प्रकृष्टविज्ञानबलैकधामनि ।।
                           फणामणिव्रातमयूखमण्डल ।
                           प्रकाशमानोदरदिव्यधामनि ।। ४२ ।।
                                      ॐ
                            निवासशैयासनपादुकांशुको—
                            पधानवर्षातपवारणादिभिः ।।
                            शरीरभेदैस्तव शेषतां गतै—
                            र्यथोचितं शेष इतीरिते जनैः ।। ४३ ।।
                                      ॐ
                            दासः सखा वाहनमासनं ध्वजो ।
                            यस्ते वितानं व्यजनं त्रयीमयः ।।
                            उपस्थितं तेन पुरो गरुत्मता ।
                            त्वदङ्घ्रिसम्मर्र्दकिणाङ्कशोभिना ।। ४४ ।।
                                      ॐ
                           त्वदीयभुक्तोज्झितशेषभोजिना ।
                           त्वया निसृष्टात्मभरेण यद्यथा ।।
                           प्रियेण सेनापतिना निवेदितम् ।
                           तथाऽनुजानन्तमुदारवीक्षणैः ।।
                                     ॐ
                           हताखिलक्लेशमलैः स्वभावतः ।
                           सदानुकूल्यैकरसैस्तवोचितैः ।।
                           गृहीततत्तत्परिचारसाधनै—
                           र्निषेव्यमाणं सचिवैर्यथोचितम् ।। ४६ ।।
                                      ॐ
                           अपूर्वनानारसभावनिर्भर—
                           प्रबुद्धया मुग्धविदग्धलीलया ।।
                           क्षणाणुवत्क्षिप्तपरादिकालया ।
                           प्रहर्षयन्तं महिषीं महाभुजम् ।। ४७ ।।
                                       ॐ
                            अचिन्त्यदिव्याद्भुतनित्ययौवन—
                            स्वभावलावण्यमयामृतोदधिम् ।।
                           श्रियः श्रियं भक्तजनैकजीवितम् ।
                           समर्थमापत्सखमर्थिकल्पकम् ।। ४८ ।।
                                     ॐ
                            भवन्तमेवानुचरन्निरन्तरम् ।
                            प्रशान्तनिःशेषमनोरथान्तरः ।।
                            कदाऽहमैकान्तिकनित्यकिङ्करः ।
                            प्रहर्षयिष्यामि सनाथजीवितः ।। ४९ ।।
                                     ॐ
                       धिगशुचिमविनीतं निर्दयं मामलज्जम् ।
                       परमपुरुष योऽहं योगिवर्याग्रगण्यैः ।।
                       विधिशिवसनकाद्यैध्र्यातुमत्यन्तदूरम् ।
                       तव परिजनभावं कामये कामवृत्तः ।। ५० ।।
                                      ॐ
                               अपराधसहस्रभाजनम् ।
                               पतितं भीमभवार्णवोदरे ।।
                               अगतिं शरणागतं हरे ।
                               कृपया केवलमात्मसात्कुरु ।। ५१ ।।
                                        ॐ
                                अविवेकघनान्दधिङ्मुखे ।
                                बहुधा सन्ततदुःखवर्षिणि ।।
                                 भगवान् भवदुर्दिने पथ—
                             स्खलितं मामवलोकयाच्युत ।। ५२ ।।
                                       ॐ
                              न मृषा परमार्थमेव मे ।
                              श्रृणु विज्ञापनमेकमग्रतः ।।
                              यदि मे न दयिष्यसे ततो—
                              दयनीयस्तव नाथ दुर्लभः ।। ५३ ।।
                                        ॐ
                               तदहं त्वदृते न नाथवान् ।
                               मदृते त्वं दयनीयवान् न च ।।
                               विधिनिर्मितमेतदन्वयम् ।
                               भगवान् पालय मा स्म जीहपः ।। ५४ ।।
                                         ॐ
                                वपुरादिषु योऽपि कोऽपि वा ।
                                गुणतोऽसानि यथातथाविधः ।।
                                तदयं तव पादद्मयो—
                                रहमद्यैव मया समर्पितः ।। ५५ ।।
                                          ॐ
                                 मम नाथ यदस्ति योऽस्म्यहम् ।
                                 सकलं तद्धि तवैव माधव ।।
                                 नियतस्वमिति प्रबुद्धधी ।
                                 रथवा किं नु समर्पयामि ते ।। ५६ ।।
                                       ॐ
                              अवबोधितवानिमां यथा ।
                              मयि नित्यां भवदीयतां स्वयम् ।।
                              कृपयैवमनन्यभोग्यताम् ।
                             भगवान् भक्तिमपि प्रयच्छमे ।। ५७ ।।
                                        ॐ
                               तव दास्यसुखैकसङ्गिनाम् ।
                               भवनेष्वस्त्वपि कीटजन्म मे ।।
                               इतरावसथेषु मास्भू—
                               दपि मे जन्म चतुर्मुखात्मना ।। ५८ ।।
                                         ॐ
                               सकृत्वदाकारविलोकनाशया ।
                               तृणीकृतानुत्तमभुक्तिमुक्तिभिः ।।
                               महात्मभिर्मामवलोक्यतां नय ।
                               क्षणेऽपि ते यद्विरहोऽतिदुःसहः ।। ५९ ।।
                                        ॐ
                        न देहं न प्राणन् न च सुखमशेषाभिलषितम् ।
                        न चात्मानं नान्यत्किमपि तव शेषत्वविभवात् ।।
                        बहिर्भूतं नाथ क्षणमपि सहे यातु शतधा ।
                        विनाशंं तत्सत्यं मधुमथन विज्ञापनमिदम् ।। ६० ।।
                                        ॐ
                        दुरन्तस्यानादेरपरिहरणीयस्य महतो ।
                        निहीनाचारोऽहं नृपशुरशुभस्यास्पदमपि ।।
                        दयासिन्धो ! बन्धो ! निरवधिकवात्सल्यजलधे ।
                        तव स्स्मारं स्मारं गुणगणमितीच्छामि गतभीः ।। ६१ ।।
                                        ॐ
                        अनिच्छन्न्प्येवं यदि पुनरितीच्छन्नव रज ।
                        स्तमश्छन्नच्छद्मस्तुतिवचनभङ्गीमरचयम् ।।
                        तथाऽपीत्थं रुपं वचनमवलम्ब्याऽपि कृपया ।
                        त्वमेवैवं भूतं धरणिधर ! मे शिक्षय मनः ।। ६२ ।।
                                         ॐ
                        पिता त्वं माता त्वं दयित तनयस्त्वं प्रियसुहृत् ।
                        त्वमेव त्वं मित्रं गुरुरपि गतिश्चासि जगताम् ।।
                        त्वदीयस्त्वद्भृत्यस्तव परिजनस्त्वद्गतिरहम् ।
                        प्रपत्रश्चैवं सत्यहमपि तवैवास्मि हि भरः ।। ६३ ।।
                                          ॐ
                         जनित्वाऽहं वंशे महति जगति ख्यातयशसाम् ।
                         शुचीनां युक्तानां गुणपुरुषतत्वस्थितिविदाम् ।।
                         निसर्गादेव त्वच्चरणकमलैकान्तमनसा ।
                         मधोऽधः पापात्मा शरणदः निमज्जामि तमसि ।। ६४ ।।
                                         ॐ
                         अमर्यादः क्षुद्रश्चलमतिरसूया प्रसवभूः ।
                          कृतघ्नो दुर्मानी स्मरपरवशो वञ्चनपरः ।।
                          नृशंसः पापिष्ठः कथमहमितो दुःखजलधे ।
                          रपारादुत्तीर्णस्तव परिचरेयं चरणयोः ।। ६५ ।।
                                        ॐ
                          रघुवर ! यदभूस्त्वं तादृशो वायसस्य ।
                          प्रणत इति दयालुर्यच्च चैद्यस्य कृष्ण ।।
                          प्रतिभवमपराद्धुर्मुग्ध ! सायुज्यदोऽभू—
                          र्वद किमपदमागस्तस्य तेऽस्ति क्षमायाः ।। ६६ ।।
                                         ॐ
                                ननु प्रपन्नः सकृदेवनाथ ।
                                तवाहमस्मीति च याचमानः ।।
                                तवानुकम्प्यः स्मर तत्प्रतिज्ञाम् ।
                                मदेकवर्जं किमिदं व्रतं ते ।। ६७ ।।
                                          ॐ
                                 अकृत्रिमत्वच्चरणारविन्द ।
                                 प्रेमप्रकर्षावधिमात्मवन्तम् ।।
                                 पितामहं नाथमुनिं विलोक्य ।
                                 प्रसीद मद्वृत्तमचिन्तयित्वा ।। ६८ ।।
                                           ॐ
                             यत्पादाम्भोरुहध्यानविध्वस्ताशेषकल्मषः ।
                             वस्तुतामुपयातोऽहं यामुनेयं नमामि तमे ।। ६९ ।।
                                 ।। श्रीआलावन्दारस्तोत्रं समाप्तम् ।।

                       
            ||  श्री वरदवल्लभास्तोत्रम्  ||

                                           

                  
                श्री यामुनाचार्र्यस्वामीज्यूद्वारा विरचित
                              श्री वरदवल्लभास्तोत्रम्
                                ( श्रीचतुश्लोकी )
                    कान्तास्ते पुरुषोत्तमः फणिपतिः शैयाऽसनं वाहनम् ।
                    वेदात्मा विहगेश्वरो यवनिका माया जगन्मोहिनी ।।
                    ब्र्रम्हेशादिसुरव्रजस्सदयितस्त्वद्दासदासीगणः ।
                    श्रीरित्येव च नाम ते भगवति ! ब्रूमः कथं त्वां वयम् ।। १ ।।

                    यस्यास्ते महिमानमात्मन इव त्वद्वल्लभो ऽपि प्रभु
                    र्नालं मातुमियत्तया निरवधिं नित्यानुकूलं स्वतः ।।
                    तां त्वां दास इति प्रपत्र इति च स्तोष्याम्यहं निर्भयो ।
                    लोकैकेश्वरि ! लोकनाथदयिते दान्ते दयान्ते विदन् ।। २ ।।

                    ईषत्वत्करुणानिरीक्षणसुधासन्धुक्षणाद्रक्ष्यते ।
                    नष्टं प्राक्तदलाभतस्त्रिभुवनं सम्प्रत्यनन्तोदयम् ।।
                    श्रेयो न ह्यरविन्दलोतनमनः कान्ताप्रसादादृते ।
                    संसृत्याक्षरवैष्णवाध्वसु नृणां सम्भाव्यते कर्हिचित् ।। ३ ।।

                     शान्तानन्तमहाविभूूति परमं यद्ब्रह्मरुपं हरे ।
                     मूर्तं ब्रह्म ततोऽपि तत्प्रियतरं रुपं यदत्यद्भुतम् ।।
                    यान्यान्यानि यथासुखं विहरतो रुपाणि सर्वाणि ता—
                     न्याहु स्वैरनुरुपरुपविभवैर्गाढोपगूढानि ते ।। ४ ।।

                     आकारत्रयसम्पन्नामरविन्दनिवासिनीम् ।
                     अशेषजगदीशित्रीं वन्दे वरदवल्लभाम् ।।
                                 समाप्तोऽयम्

                                             कम्प्युटर टाईप एवं संग्रहकर्ता 

                                               केशव शरण लुइँटेल श्री रामानुज दास
                                                 मिति- २०७१-०४-१४ गते बुधवार
                                                 स्थान- बुढानिलकण्ठ १० कपन 
                                                                काठमाडौं नेपाल