|| श्री गोपालसहस्त्रनाम स्तोत्रम् ||
भाष्यकार श्री १००८ जगदगुरु रामानुजाचार्य स्वामीजी महाराज
योनित्य मच्युत पदाम्बुजयुग्मरुज्म व्यामोहतस्तदितराणि तृणाय मेने ।
अस्मद्गुरोर्भगवतोस्य दयैकसिन्धो: रामानुजस्य चरणौ चरणं प्रपद्ये ॥
श्री १००८ जगद्गुरु अनन्ताचार्यजी महाराज
श्रीवत्सवंशकलशोदधिपूर्णचन्द्र्ं ।
श्रीकृष्णसूरिपदपंकजभृङ्गराजम् ।।
श्रीरंगवेंकटगुरुत्तमलब्धबोधं ।
भक्त्या भजामि गुरुवर्यमनन्तसूरिम् ।।
श्री नेपाल देशीय आद्य जगदगुरु १००८ अष्टाङ्ग योगी दुग्धहारी
श्रीकमलनयनाचार्य स्वामीजी महाराज
श्रीकृष्णसूरिपदपंकजभृङ्गराजम् ।।
श्रीरंगवेंकटगुरुत्तमलब्धबोधं ।
भक्त्या भजामि गुरुवर्यमनन्तसूरिम् ।।
श्री नेपाल देशीय आद्य जगदगुरु १००८ अष्टाङ्ग योगी दुग्धहारी
श्रीकमलनयनाचार्य स्वामीजी महाराज
श्रीकौशिकान्वयपयोनिधिपूर्णचन्द्रम् ।
श्रीस्वाम्यनन्तगुरुवर्यपदाब्जभृङ्गम् ।।
अष्टाङ्गयोगनिपुणं चरमार्थनिष्ठम् ।
भक्त्या भजामि महितं कमलाक्षसूरिम् ।।
श्री सन्तशिरोमणी स्वामी वासुदेवाचार्य ( ढकाल )
श्रीलक्ष्मीश शठारिनाथ यतिराड्गोविन्दपादानुगं ।श्रीस्वाम्यनन्तगुरुवर्यपदाब्जभृङ्गम् ।।
अष्टाङ्गयोगनिपुणं चरमार्थनिष्ठम् ।
भक्त्या भजामि महितं कमलाक्षसूरिम् ।।
श्री सन्तशिरोमणी स्वामी वासुदेवाचार्य ( ढकाल )
नित्यंध्यातरहस्यतत्वविमलं मोक्षप्रदं सौष्ठवम् ।।
श्रीयोगिकमलार्यदेशिकदया दीक्षादिशोभायुतं ।
नित्यं श्रीह्युपमन्युगोत्रमनघं श्रीवासुदेवं भजे ।।
|| अथ श्रीगोपालसहस्त्रनाम स्तोत्रम् ||
पार्वत्युवाच
कैलासशिखरे रम्ये गौरी पृच्छति शङ्करम् ।
ब्रम्हाण्डाखिलनाथस्त्वं सृष्टिसंहारकारकः ।। १ ।।
त्वमेव पूज्यसे लोकैर्ब्रह्माविष्णुसुरादिभी: ।
नित्यं पठसि देवेश कस्य स्तोत्रं महेश्वर ।। २ ।।
आश्चर्यमिदमत्यन्तं जायते मयि शङ्कर ।
सत्प्राणेश महाप्राज्ञ संशयं छिन्धि मे प्रभो ।। ३ ।।
श्रीमहादेव उवाच
धन्यासि कृतपुण्यासि पार्वति प्राणवल्लभे ।
रहस्यातिरहस्यं च यत्पृच्छसि वरानने ।। ४ ।।
स्त्रीस्वभान्महादेवि पुनस्त्वं परिपृच्छसि ।
गोपनीयं गोपनीयं गोपनीयं प्रयत्नतः ।। ५ ।।
दत्ते च सिद्घिहानिः स्यात्तस्माद्यत्नेन गोपयेत् ।
इदं रहस्यं परमं पुरुषार्थप्रदायकम् ।।६ ।।
धनारत्नौघमाणिक्यं तुरङ्गञ्च गजादिकम् ।
ददाति स्मरणादेव महामोक्षप्रदायकम् ।। ७ ।।
तत्तेऽहं संप्रवक्षामि श्रृणुष्वावहिता प्रिये ।
योऽसौ निरञ्जनो देवश्चित्स्वरुपी जनार्दनः ।। ८ ।।
संसारसागरोत्तारकारणय नृणां सदा ।
श्रीरङ्गादिकरुपेण त्रैलोक्यं व्याप्य तिष्ठति ।। ९ ।।
ततो लोका महामूढा विष्णुभक्तिविवर्जिताः ।
निश्चयं नाधिगच्छन्ति पुनर्नारायणो हरिः ।। १० ।।
निरञ्जनो निराकारो भक्तानां प्रीतिकामदः ।
वृन्दावनविहाराय गोपालं रुपमुद्वहन् ।। ११ ।।
मुरलीवादनाधारी राधायै प्रीतिमावहन् ।
अंशाशेभ्यस्समुन्मील्य पूर्णरुपकलायुतः ।। १२ ।।
श्रीकृष्णचन्द्रो भगवान नन्दगोपवरोद्यतः ।
धरणीरुपिणी माता यशोदानन्ददायकः ।। १३ ।।
द्वाभ्यां प्रयाचितो नाथो देवक्यां वसुदेवतः ।
ब्रम्हणाऽभ्यर्थितो देवो देवैरपि सुरेश्वरि ।। १४ ।।
जातोऽवन्यां मुकुन्दोऽपि मुरली वेदवेचिका ।
तया साद्र्घं वचः कृत्वा ततो जातो महितले ।। १५ ।।
संसारसारसर्वस्वं श्यामलं महदुज्ज्वलम् ।
एतज्ज्योतिरहं वेद्यं चिन्तयामि सनातनम् ।। १६ ।।
गौरतेजो विना यस्तु श्यामतेजः समर्चयेत् ।
जपेद्वा ध्यायते वापि स भवेत्पातकी शिवे ।। १७ ।।
स ब्रम्हहा सुरापी च स्वर्णस्तेयी च पंचमः ।
एतैर्दाेषैर्विलिप्येत तेजोभेदान्महेश्वरि ।। १८ ।।
तस्माज्ज्योतिरभूद्द्वेधा राधामाधवरुपकम् ।
तस्मादिदं महादेवि गोपालेनैव भाषितम् ।। १९ ।।
दुर्वाससो मुनेर्माेहै कार्तिक्यां रासमण्डले ।
ततः पृष्टवती राधा सन्देहं भेदमात्मनः ।। २० ।।
निरञ्जनात्समुत्पन्नं मयाऽधीनं जगन्मयि ।
श्रीकृष्णेन ततः प्रोक्तं राधायै नारदाय च ।। २१ ।।
ततो नारदतः सर्वे विरला वैष्णवा जनाः ।
कलौ जानन्ति देवेशि गोपनीयं प्रयत्नतः ।। २२ ।।
शठाय कृपणायाथ दम्भिकाय सुरेश्वरि ।
ब्रम्हहत्यामवाप्नोति तस्माद्यत्नेन गोपयेत् ।। २३ ।।
अस्य श्रीगोपालसहस्त्रनामस्तोत्रमन्त्रस्य श्रीनारदऋषिः अनुष्टुप्छन्दः श्रीगोपालो देवता कामो बीजं माया शक्तिः चन्द्रः कीलकं श्रीकृष्णचन्द्रभक्तिरुपफलप्राप्तये श्रीगोपालसहस्त्रनाम—
जपेविनियोगः ।।
अथवा
ॐ ऐं क्लीं बीजं श्रीं हृीं शक्तिः श्रीबृन्दावननिवासः कीलकं श्रीराधाप्रियं परं ब्रम्हेति मंत्रः
धर्मादिचतुर्विधपुरुषार्थसिद्घ्यर्थे श्रीगोपालसहस्त्रनामस्तोत्रजपे विनियोगः ।।
ॐ नारदऋषये नमः— शिरसि ।। १ ।। ॐ अनुष्टुप्छन्दसे नमः— मुखे ।। २ ।।
श्रीगोपालदेवतायै नमः—हृदये ।। ३ ।। ॐ क्लीं कीलकायै नमः— नाभौ ।। ४ ।। ॐ हृींशक्तये नमः— गुह्ये ।। ५ ।। ॐ श्रींकीलकाय नमः— पादयोः ।। ६ ।। ॐ कृष्णाय गोविन्दाय गोपीजनवल्लभाय स्वाहा ।। ७ ।।
ॐ क्लां अंगुष्ठाभ्यां नमः १ ॐ क्लीं तर्जनीभ्यां नमः २ ॐ क्लूं मध्यमाभ्यां नमः ३ ॐ क्लैं अनामिकाभ्यां नमः ४ ॐ क्लौं कनिष्ठिकाभ्यां नमः ५ ॐ क्लः
करतलकरपृष्ठाभ्यां नमः ६ ।।
ॐ क्लां हृदयाय नमः १ ॐ क्लीं शिरसे स्वहा २ ॐ क्लूं शिखायैवषट् ३
ॐ क्लैं कवचाय हुम् ४ ॐ क्लौं नेत्रत्रयाय वौषट् ५ ॐ क्लः अस्त्राय फट् ६ ।।
अथ मूलमंत्रन्यासः— ॐ क्लीं अंगुष्ठाभ्यां नमः १ ॐ कृष्णाय तर्जनीभ्यां नमः २
ॐ गोविन्दाय मध्यमाभ्यां नमः ३ ॐ गोपीजन अनामिकाभ्यां नमः ४ ॐ वल्लभाय कनिष्ठिकाभ्यां नमः ५ ॐ स्वाहा करतलकरपृष्ठाभ्यां नमः ६ ।।
अथ हृदयादिन्यासः—ॐ क्लीं हृदयाय नमः १ ॐ कृष्णाय शिरसे स्वहा २ ॐ गोविन्दाय शिखाय वषट् ३ ॐ गोपीजन कवचाय हुम् ४ ॐ वल्लभाय नेत्रत्रयाय वौषट् ५
ॐ स्वहा अस्त्राय फट् ६ ।।
अथ ध्यानम्
कस्तूरीतिलकं ललाटपटले वक्षस्थले कौस्तुभं ।
नासाग्रेवरमौक्तिकं करतले वेणुः करे कङ्कणम् ।।
सर्वाङ्गे हरिचन्दनं सुललितं कण्ठे च मुक्तावलि ।
र्गोपस्त्रीपरिवेष्टितो विजयते गोपालचूडामणिः ।।
+
फुल्लेन्दीवरकान्तिमिन्दुवदनं बर्हावतंसप्रियं ।
श्रीवत्साङ्कमुदारकौस्तुभधरं पीताम्बरं सुन्दरम् ।।
गोपीनां नयनोत्पलार्चिततनुं गोगोपसंघावृतं ।
गोविन्दं कलवेणुवादनपरं दिव्याङ्गभूषं भजे ।।
अथ पाठारम्भः
ॐ क्लीं देव कामदेवः कामबीजशिरोमणिः
श्रीगोपालो महीपालो वेदवेदान्तपारगः ।। १ ।।
कृष्णः कमलपत्राक्षः पुण्डरीकः सनातनः
गोपतिर्भूपतिः शास्ता प्रहर्ता विश्वतोमुखः ।। २ ।।
आदिकर्ता महाकर्तामहाकालः प्रतापवान् ।।
जगज्जीवो जगद्घाता जगद्भर्ता जगद्वसुः ।। २ ।।
मत्स्यो भीमः कुहूभर्ता हर्ता वाराहमूर्तिमान् ।।
नारायणो हृषीकेशो गोविन्दो गरुडध्वजः ।। ३ ।।
गोकुलेन्द्रो महीचन्द्रः शर्वरीप्रियकारकः ।।
कमलामुखलोलाक्षः पुण्डरीकः शुभावहः ।। ४ ।।
दूर्वासाः कपिलो भौमः सिन्धुसागरसंगमः ।।
गोविन्दो गोपतिर्गोत्रः कालिन्दीप्रेमपूरकः ।। ५ ।।
गोपस्वामी गोकुलेन्द्रो गोवर्धनवरप्रदः ।।
नन्दादिगोकुलत्राता दाता दारिद्र्यभञ्जनः ।। ६ ।।
सर्वमङ्गलदाता च सर्वकामप्रदायकः ।।
आदिकर्ता महाभर्ता सर्वसागरसिन्धुजः ।। ७ ।।
गजगामी गजोद्घारी कामी कामकलानिधिः ।।
कलङ्करहितश्चन्दो बिम्बास्यो बिम्बसत्तमः ।। ८ ।।
मालाकारकृपाकारः कोकिलस्वरभूषणः ।।
रामो नीलाम्बरो देवो हली दुर्दाममर्दनः ।। ९ ।।
सहस्त्राक्षपुरीभेत्ता महामारीविनाशनः ।।
शिवः शिवतमो भेत्ता बलारातिप्रपूजकः ।। १० ।।
कुमारी वरदायी च वरेण्यो मीनकेतनः ।।
नरो नारायणो धीरो राधापतिरुदारधीः ।। ११ ।।
श्रीपतिः श्रीनिधिः श्रीमान्मापतिः प्रतिराजहा ।।
वृन्दापतिः कुलं ग्रामी धामी ब्रम्ह सनातनः ।। १२ ।।
रेवतीरमणो रामः प्रियश्चञ्चललोचनः ।।
रामायणशरीरोऽयं रामी रामः श्रियः पतिः ।। १३ ।।
शर्वरः शर्वरी शर्वः सर्वत्र शुभदायकः ।।
राधाराधयिता राधी राधाचित्तप्रमोदकः ।। १४ ।।
राधारातिसुखोपेतो राधामोहनतत्परः ।।
राधावशीकरो राधाहृदयाम्भोजषट्पदः ।। १५ ।।
राधालिङ्गनसम्मोहो राधानर्तककौतुकः ।।
राधासंजातसंप्रीतो राधाकाम्यफलप्रदः ।। १६ ।।
वृन्दापतिः कोकनिधिःकोकशोकविनाशकः ।।
चन्द्रापतिश्चन्द्रपतिश्चण्डकोदण्डभञ्जनः ।। १७ ।।
रामो दाशरथी रामो भृगुवंशसमुद्भवः ।।
आत्मारामो जितक्रोधो मोहो मोहान्धभञ्जनः ।। १८ ।।
वृषभानुर्भवो भावः काश्यपिः करुणानिधिः ।।
कोलाहलो हली हाली हेली हलधरप्रियः ।। १९ ।।
राधामुखाब्जमार्तण्डो भास्करो रविजो विधुः ।।
विधिर्विधाता वरुणो वारुणो वारुणीप्रियः ।। २० ।।
रोहिणीहृदयानन्दी वसुदेवात्मजो बली ।।
नीलाम्बरो रौहिणेयोे जरासन्धवधोऽमलः ।। २१ ।।
नागो नवाम्भो विरुदो विरहो वरदो बली ।।
गोपथो विजयी विद्वान् शिपिविष्टः सनातनः ।। २२ ।।
पर्शुरामवचोग्राही वरग्राही श्रृगालहा ।।
दमघोषोपदेष्टा च रथग्राही सुदर्शनः ।। २३ ।।
वीरपत्नीयशस्त्राता जराव्याधिविघातकः ।।
द्वारकावासतत्वज्ञो हुताशनवरप्रदः ।। २४ ।।
यमुनावेगसंहारी नीलाम्बरधरः प्रभुः ।।
विभुः शरासनो धन्वी गणेशो गणनायकः ।। २५ ।।
लक्ष्मणो लक्षणो लक्ष्यो रक्षोवंशविनाशनः ।।
वामनो वामनीभूतोऽवामनो वामनारुहः ।। २६ ।।
यशोदानन्दनः कर्ता यमलार्जुनमुक्तिदः ।।
उलूखली महामानी दामबद्घाह्वयी शमी ।। २७ ।।
भक्तानुकारी भगवान् केशवो बलधारकः ।।
केशिहा मधुहा मोही वृषासुरविघातकः ।। २८ ।।
अघासुरविनाशी च पूतनामोक्षदायकः ।।
कुब्जाविनोदी भगवान् कंशमृत्युर्महामखी ।। २९ ।।
अश्वमेधो वाजपेयो गोमेधो नरमेधवान् ।।
कन्दर्पकोटिलावण्यश्चन्द्रकोटिसुशीतलः ।। ३० ।।
रविकोटिप्रतीकाशो वायुकोटिमहाबलः ।।
ब्रम्हा ब्रम्हण्डकर्ताच कमलावाञ्छितप्रदः ।। ३१ ।।
कमली कमलाक्षश्च कमलामुखलोलुपः।।
कमलाव्रतधारि च कमलाक्षः पुरन्दरः ।। ३२ ।।
सौभाग्याधिकचित्तोऽयं महामायी महोत्कटः ।।
ताटकारिः सुरत्राता मारीचक्षोभकारकः ।। ३३ ।।
विश्वामित्रप्रियो दान्तो रामो राजीवलोचनः ।।
लङ्काधिपकुलध्वंसी विभीषणवरप्रदः ।। ३४ ।।
सीतानन्दकरो रामो वीरो वारिधिबन्धनः ।।
खरदूषणसंहारी साकेतपुरवासनः ।। ३६ ।।
चन्द्रावलीपतिः कूलः केशिकंसवधोऽमलः ।।
माधवो मधुहा माध्वी माध्वीको माधवीविभुः ।। ३७ ।।
मुञ्जाटवीगाहमानो धेनुकारिर्धरात्मजः ।।
वंशीवटविहारी च गोवर्धनवनाश्रयः ।। ३८ ।।
तथा तालवनोद्येशी भाण्डीरवनशंखहा ।।
तृणावर्तकृपाकारी वृषभानुसुतापतिः ।। ३९ ।।
राधाप्राणसमो राधावदनाब्जमधुव्रतः ।।
गोपीरंजनदैवज्ञो लीलाकमलपूजितः ।। ४० ।।
क्रीडाकमलसन्दोहो गोपिकाप्रीतिरंजनः ।।
रंजको रंजनो रंगो रङ्गी रङ्गमहीरुहः ।। ४१ ।।
कामः कामारि भक्तोऽयं पुराणपुरुषः कविः ।।
नारदो देवलो भीमो बालो बालमुखाम्बुजः ।। ४२ ।।
अम्बुजो ब्रम्ह साक्षी च योगी दत्तवरो मुनिः ।।
ऋषभः पर्वतो ग्रामो ददीपवनवल्लभः ।। ४३ ।।
पद्मनाभः सुरज्येष्ठो ब्रम्हरुद्रोऽहिभूषितः ।।
गणानां त्राणकर्ता च गणेशो ग्रहिलो ग्रही ।। ४४ ।।
गणाश्रयो गणाध्यक्षः क्रोडिकृत जगत्त्रयः ।।
यादवेन्द्रो द्वारकेन्द्रो मथुरावल्लभो धुरी ।। ४५ ।।
भ्रमरः कुन्तली कुन्तीसुतरक्षी महामखीः ।।
यमुनावरदाता च कश्यपस्य वरप्रदः ।। ४६ ।।
शंखचूडवधोद्दामः गोपीरक्षणतत्परः ।।
पाञ्चजन्यकरो रामी त्रिरामी वनजो जयः ।। ४७ ।।
फाल्गुनः फाल्गुनसखो विराधवधकारकः ।।
रुक्मिणीप्राणनाथश्च सत्यभामाप्रियङ्करः ।। ४८ ।।
कल्पवृक्षो महावृक्षो दानवृक्षो महाफलः ।।
अंकुशो भूसुरो भावो भ्रामको भामको हरिः ।। ४९ ।।
सरलः शाश्वतो वीरो यदुवंशी शिवात्मकः ।।
प्रद्युम्नो बलकर्ता च प्रहर्ता दैत्यहा प्रभुः ।। ५० ।।
महाधनो महावीरो वनमालाविभूषणः ।।
तुलसीदामशोभाढ्यो जलन्धरविनाशनः ।। ५१ ।।
शूरःसूर्योऽमृताण्डश्च भाष्करो विश्वपूजितः ।।
रविस्तमोहा वन्हिश्च बाडवो बडवानलः ।। ५२ ।।
दैत्यदर्पविनाशी च गरुडो गरुडाग्रजः ।।
गोपीनाथो महीनाथो वृन्दानाथो विरोधकः ।। ५३ ।।
प्रपंची पञ्चरुपश्च लतागुल्मश्च गोपतिः ।।
गंङ्गा च यमुनारुपो गोदा वेत्रवती तथा ।। ५४ ।।
कावेरी नर्मदा पापी गण्डकी सरयूरजः ।।
राजसस्तामसः सत्वी सर्वाङ्गी सर्वलोचनः ।। ५५ ।।
सुधामयोऽमृतमयो योगिनीवल्लभः शिवः ।।
बुद्घो बद्घिमतां श्रेष्ठो विष्णुर्जिष्णुः शचीपतिः ।। ५६ ।।
वंशी वंशधरो लोकविलोको मोहनाशनः ।।
रवो रावो रवो रावो बालो बालबलाहकः ।। ५७ ।।
शिवो रुद्रो नलो नीलो लाङ्गली लाङ्गलाश्रयः ।।
पारदः पावनो हंसो हंसारुढो जगत्पतिः ।। ५८ ।।
माहिनी मोहनी मायी महामायो महामखी ।।
वृषो वृषाकपिः कालः कालीदमनकारकः ।। ५९ ।।
कुब्जाभाग्यप्रदो वीरो रजकक्षयकारकः ।।
कोमलो वारुणो राजा जलजो जलधारकः ।। ६० ।।
हारकः सर्वपापघ्नः परमेष्ठी पितामहः ।।
खड्गधारी कृपाकारी राधारमणसुन्दरः ।। ६१ ।।
द्वादशारण्यसंभोगी शेषनागफणालयः ।।
कामः श्यामःसुखश्रीदः श्रीपतिः श्रीनिधिः कृति ।। ६२ ।।
हरिर्हरो नरो नारो नरोत्तम इषुप्रियः ।।
गोपालीचित्तहर्ता च कर्ता संसारतारकः ।। ६३ ।।
आदिदेवो महादेवो गौरीगुरुरनाश्रयः ।।
साधुर्मधुर्विधुर्धाता भ्राताऽक्रुरपरायणः ।। ६४ ।।
रोलम्बी च हयग्रीवो वानरारिर्वनाश्रयः ।।
वनं वनी वनाध्यक्षो महावन्द्यो महामुनिः ।। ६५ ।।
स्यमन्तकमणिप्राज्ञो विज्ञो विघ्नविघातकः ।।
गोवर्धनो वर्धनीयो वर्धनीवर्धनप्रिय ।। ६६ ।।
वर्धन्यो वर्धनो वर्धो वर्धिष्णु: सुमुखः प्रियः ।।
वर्धितो वृद्घको वृद्घो वृन्दारकजनप्रियः ।। ६७ ।।
गोपालरमणीभर्ता साम्बकुष्ठविनाशकः ।।
रुक्मिणीहरणः प्रेम प्रेमी चन्द्रावलीपतिः ।। ६८ ।।
श्रीकर्ता विश्वभर्ता च नरो नारायणो बली ।।
गणो गणपतिश्चैव दत्तात्रयो महामुनिः ।। ६९ ।।
व्यासो नारायणो दिव्यो भव्यो भावुकधारकः ।।
स्वः श्रेयसं शिवं भद्रं भावुकं भविकं शुभम् ।। ७० ।।
शमात्मकः शुभः शास्ता प्रशस्तो मेघनादहा ।।
ब्रम्हण्यदेवो दीनानामुद्घारकरणक्षमः ।। ७१ ।।
कृष्णः कमलपत्राक्षः कृष्णः कमललोचनः ।।
कृष्णः कामी सदाकृष्णः समस्तप्रियकारकः ।। ७२ ।।
नन्दो नन्दी महानन्दी मादी मादनकः किली ।।
मिली हिली गिली गोली गोलो गोलालयोगुली ।। ७३ ।।
गुग्गुली मारकी शाखी वटः पिप्पलकः कृती ।।
म्लेच्छहा कालहर्ता च यशोदायश एव च ।। ७४ ।।
अच्युतः केशवो विष्णुहरिः सत्यो जनार्दनः ।।
हंसो नारायणो नीलो लीलो भक्तिपरायणः ।। ७५ ।।
जानकीवल्लभो राम विरामो विघ्ननाशनः ।।
सहस्त्राशुर्महाभानुर्वीरबाहुर्महोदधिः ।। ७६ ।।
समुद्रोऽब्धिरकूपारः पारावारः सरित्पतिः ।।
गोकुलानन्दकारी च प्रतिज्ञापरिपालकः ।। ७७ ।।
सदारामः कृपारामो महारामो धनुर्धरः ।।
पर्वतः पर्वताकारो गयो गेयो द्विजप्रियः ।। ७८ ।।
कम्बलाश्वतरो रामो रामायणप्रवर्तकः ।।
द्यौर्दिवो दिवसो दिव्यो भव्यो भाविभयापहः ।। ७९ ।।
पार्वतीभोग्यसहितो भर्तालक्ष्मीविलासवान् ।।
विलासी साहसी सर्वी गर्वी गर्वितलोचनः ।। ८० ।।
मुरारिर्लोकधर्मज्ञो जीवनो जीवनान्तकः ।।
यमो यमारिर्यमनो यामी यामविघातकः ।। ८१ ।।
वंसुली पांसुली पांसुः पाण्डुरर्जुनवल्लभः ।।
ललिताचन्द्रिकामाली माली मालाम्बुजाश्रयः ।। ८२ ।।
अम्बुजाक्षो महायक्षो दक्षश्चिन्तामणिः प्रभुः ।।
मणिर्दिनमणिश्चैव केदारो बदराश्रयः ।। ८३ ।।
बदरीवनसंप्रीतो व्यासः सत्यवती सुतः ।।
अमरारिनिहन्ता च सुधा सिन्धुविधूदयः ।। ८४ ।।
चन्द्रो रविः शिवः शूली चक्री चैव गदाधरः ।।
श्रीकर्ता श्रीपतिः श्रीदः श्रीदेवो देवकीसुतः ।। ८५ ।।
श्रीपतिः पुण्डरीकाक्षः पद्मनाभो जगत्पतिः ।।
वासुदेवोऽप्रमेयात्मा केशवो गरुडध्वजः ।। ८६ ।।
नारायण परंधाम देवदेवो महेश्वरः ।।
चक्रपाणिः कलापूर्णो वेदवेद्यो दयानिधिः ।। ८७ ।।
भगवान्सर्वभूतेशो गोपालः सर्वपालकः ।।
अनन्तो निर्गुणो नित्यो निर्विकल्पो निरंजनः ।। ८८ ।।
निराधारो निराकारो निराभासो निराश्रयः ।।
पुरुषः प्राणवातीतो मुकुन्दः परमेश्वरः ।। ८९ ।।
क्षणावनिः सार्वभौमो वैकुण्ठो भक्तवत्सलः ।।
विष्णुर्दामोदरः कृष्णो माधवो मथुरापतिः ।। ९० ।।
देवकीगर्भसंभूतो यशोदावत्सलो हरिः ।।
शिवः संङ्कर्षणः शम्भुर्भूतनाथो दिवस्पतिः ।। ९१ ।।
अव्ययः सर्वधर्मज्ञो निर्मलो निरुपद्रवः ।।
निर्वाणनाथको नित्यो नीलजीमूतसन्निभः ।। ९२ ।।
कलाक्षयञ्च सर्वज्ञः कमलारुपतत्परः ।।
हृषीकेशः पीतवासा वसुदेवप्रियात्मजः ।। ९३ ।।
नन्द गोपकुमारार्यो नवनीताशनो विभुः ।।
पुराणपुरुषः श्रेष्ठ शस्त्रपाणिः सुविक्रमः ।। ९४ ।।
अनिरुद्घश्चक्ररथः शार्ङ्गपाणिश्चतुर्भुजः ।।
गदाधरः सुरार्तिघ्नो गोविन्दो नन्दकायुधः ।। ९५ ।।
वृन्दावनचरः शौरिर्वेणुवाद्यविशारदः ।।
तृणावर्तान्तको भीमसाहसो बहुविक्रमः ।। ९६ ।।
शकटासुरसंहारी बकासुरविनाशनः ।।
धेनुकासुरसंहारी पूतनारिर्नृकेसरी ।। ९७ ।।
पितामहो गुरुः साक्षीः प्रत्यगात्मा सदाशिवः ।।
अप्रमेयःप्रभुः प्राज्ञोऽप्रतर्क्य स्वप्नवर्धन: ।। ९८ ।।
धन्यो मान्यो भवो भावो धीरःशान्तो जगद्गुरुः ।।
अन्तर्यामीश्वरो दिव्यो दैवज्ञो देवता गुरुः ।। ९९ ।।
क्षीराब्धिशयनो धाता लक्ष्मीवाँल्लक्ष्मणाग्रजः ।।
धात्रीपतिरमेयात्मा चन्द्रशेखरपूजितः ।। १०० ।।
लोकसाक्षी जगच्चक्षुः पुण्यचारित्रकीर्तनः ।।
कोटिमन्मथसौन्दर्यो जगन्मोहनविग्रहः ।। १०१ ।।
मन्दस्मिततमो गोपोगोपिकापरिवेष्टितः ।।
फुल्लारविन्दनयनश्चाणूरान्ध्रनिषूदनः ।। १०२ ।।
इन्दीवरदलश्यामो बर्हिबर्हावतंसकः ।।
मुरलीनिनदाल्हादो दिब्यमाल्याम्बरावृतः ।। १०३ ।।
सुकपोलयुगः सुभ्रू युगलः सुललाटकः ।।
कम्बुग्रीवो विशालाक्षो लक्ष्मीवाञ्च्छुभलक्षणः ।। १०४ ।।
पीनवक्षाश्चतुर्बाहुश्चतुमूर्तिस्त्रिविक्रमः ।।
कलङ्करहितः शुद्घो दुष्टशत्रुनिवर्हणः ।। १०५ ।।
किरीटकुण्डलधरः कटकाङ्गदमण्डितः ।।
मुद्रिकाभरणोपेतः कटिसूत्रविराजितः ।। १०६ ।।
मञ्जीररञ्जितपदः सर्वाभरणभूषितः ।।
विन्यस्तपादयुगलो दिव्यमङ्गलविग्रहः ।। १०७ ।।
गोपिकानयनानन्दः पूर्णचन्द्रनिभाननः ।।
समस्तजगदानन्दः सुन्दरो लोकनन्दनः ।।१०८ ।।
यमुनातीरसञ्चारी राधामन्मथवैभवः ।।
गोपनारीप्रियो दान्तो गोपीवस्त्रापहारकः ।। १०९ ।।
श्रृगारमूर्तिः श्रीधामा तारको मूलकारणम् ।।
सृष्टिसंरक्षणोपायः क्रुरासुरविभञ्जनः ।। ११० ।।
नरकासुरसंहारी मुरारिर्वैरिमर्दनः ।।
आदितेयप्रियो दैत्यभीकरश्चेन्दुशेखरः ।। १११ ।।
जरासंन्धकुलध्वंसी कंसारातिः सुविक्रमः ।।
पुण्यश्लोकः कीर्तनीयो यादवेन्द्रो जगन्नुतः ।। ११२ ।।
रुक्मिणीरमणः सत्यभामाजाम्बवतीप्रियः ।।
मित्रविन्दानाग्नजितीलक्ष्मणासमुपासितः ।। ११३ ।।
सुधाकरकुलेजाताऽनन्तप्रबलविक्रमः ।।
सर्वसौभाग्यसम्पन्नो द्वारकायामुपस्थितः ।। ११४ ।।
भद्रासूर्यसुतानाथो लीलामानुषविग्रहः ।।
सहस्त्रषोडशस्त्रीशो भोगमोक्षैकदायकः ।। ११५ ।।
वेदान्तवेद्यःसंवेद्यो वैद्यो ब्रम्हाण्डनायकः ।।
गोवर्धनधरो नाथः सर्वजीवदयापरः ।। ११६ ।।
मूर्तिमान्सर्वभूतात्मा आर्तत्राणपरायणः ।।
सर्वज्ञः सर्वसुलभः सर्वशास्त्रविशारदः ।। ११७ ।।
षड्गुणैश्वर्यसम्पन्नः पूर्णकामो धुरन्धरः ।।
महानुभावः कैवल्यदायको लोकनायकः ।। ११८ ।।
आदिमध्यान्तरहितः शुद्घसात्विकविग्रहः ।।
असमानः समस्तात्मा शरणागतवत्सलः ।। ११९ ।।
उत्पत्तिस्थितिसंहारकारणं सर्वकारणम् ।।
गम्भीरः सर्वभावज्ञः सच्चिदानन्दविग्रहः ।। १२० ।।
विष्वक्सेनः सत्यसंन्धः सत्यवाक्सत्यविक्रमः ।।
सत्यव्रतः सत्यसंज्ञ सर्वधर्मपरायणः ।। १२१ ।।
आपन्नार्तिप्रशमनो द्रौपदीमानरक्षकः ।।
कन्दर्पजनकः प्राज्ञो जगन्नाटकवैभवः ।। १२२ ।।
भक्तिवश्यो गुणातीतः सर्वैश्वर्यप्रदायकः ।।
दमघोषसुतद्वेषीबाणबाहुविखण्डनः ।। १२३ ।।
भीष्मभक्तिप्रदोदिव्यःकौरवान्वयनाशनः ।।
कौन्तेयप्रियबन्धुश्च पार्थस्यन्दनसारथिः ।। १२४ ।।
नारसिंहो महावीरः स्तम्भजातोमहाबलः ।।
प्रल्हादवरदःसत्यो देवपूज्योऽभयंकरः ।। १२५ ।।
उपेन्द्र इन्द्रावरजो वामनो बलिबन्धनः ।।
गजेन्द्रवरदः स्वामी सर्वदेवनमस्कृतः ।। १२६ ।।
शेषपर्यंङ्कशयनो वैनतेयरथो जयी ।।
अव्याहतबलैश्वर्यसम्पन्नः पूर्णमानसः ।। १२७ ।।
योगेश्वरेश्वरः साक्षी क्षेत्रज्ञो ज्ञानदायकः ।।
योगिहृत्पंकजावासो योगमायासमन्वितः ।। १२८ ।।
नादबिन्दुकलातीतश्चतुर्वर्गफलप्रदः ।।
सुषुम्णामार्गसंचारी देहस्यान्तरसंस्थितः ।। १२९ ।।
देहेन्द्रियमनःप्राणसाक्षी चेतःप्रसादकः ।।
सूक्ष्मः सर्वगतो देहि ज्ञानदर्पणगोचरः ।। १३० ।।
तत्वत्रयात्मकोऽव्यक्तः कुण्डलीसमुपाश्रितः ।।
ब्रम्हण्यः सर्वधर्मज्ञः शान्तो दान्तो गतक्लमः ।। १३१ ।।
श्रनिवासः सदानन्दो विश्वमूर्तिर्महाप्रभुः ।।
सहस्त्रशीर्षा पुरुषः सहस्त्राक्ष सहस्त्रपात् ।। १३२ ।।
समस्तभुवनाधारः समस्तप्राणरक्षकः ।।
समस्तः सर्वभावज्ञो गोपिकाप्राणवल्लभः ।। १३३ ।।
नित्योत्सवो नित्यसौख्यो नित्यश्रीर्नित्यमंङ्गलः ।।
व्यूहार्चितो जगन्नाथः श्रीवैकुण्ठपुराधिपः ।। १३४ ।।
पूर्णानन्दघनीभूतो गोपवेषधरो हरिः ।।
कलापकुसुमश्यामः कोमलः शान्तविग्रहः ।। १३५ ।।
गोपाङ्गनावृतोऽनन्तो वृन्दावनसमाश्रयः ।।
वेणुवादरतः श्रेष्ठो देवानां हितकारकः ।। १३६ ।।
बालक्रीडासमासक्तो नवनीतस्य तस्करः ।।
गोपालकामिनीजारश्चौरजारशिखामणी ।। १३७ ।।
परंज्योतिः पराकाशः परावासः परिस्फुटः ।।
अष्टादशाक्षरो मन्त्रो व्यापको लोकपावनः ।। १३८ ।।
सप्तकोटिमहामंत्रशेखरो देवशेखर:।।
विज्ञानं ज्ञानसन्धानस्तेजोराशिर्जगत्पतिः ।। १३९ ।।
भक्तलोकप्रसन्नात्मा भक्तमन्दारविग्रहः ।।
भक्तदारिद्र्यदमनो भक्तानां प्रीतिदायकः ।। १४० ।।
भक्ताधीनमनाः पूज्यो भक्तलोकशिवंकरः ।।
भक्ताभीष्टप्रदः सर्वभक्ताघौघनिकृन्तनः ।। १४१ ।।
अपारकरुणासिन्धुर्भगवान् भक्ततत्परः ।।
अपारकरुणासिन्धुर्भगवान् भक्ततत्परः ।। १४२ ।।
अथ फलश्रुतिः
इति श्रीराधिकानाथनामसाहस्त्रकीर्तनम् ।।
स्मरणात्पापराशीनां खण्डनं मृत्युनाशनम् ।। १ ।।
वैष्णवानां प्रियकरं महारोगनिवारणम् ।।
ब्रम्हहत्यासुरापानं परस्त्रीगमनं तथा ।। २ ।।
परद्रव्यापहरणं परद्वेषसमन्वितम् ।।
मानसं वाचिकं कायं यत्पापं पापसंभवम् ।। ३ ।।
सहस्त्रनामपठनात्सर्वं नश्यति तत्क्षणात् ।।
महादारिद्र्ययुक्तो यो वैष्णवोे विष्णुभक्तिमान् ।। ४ ।।
कार्तिक्यां संपठेद्रात्रौ शतमष्टोत्तरं क्रमात् ।।
पीताम्बरधरो धीमान्सुगन्धिपुष्पचन्दनैः ।। ५ ।।
पुस्तकं पूजयित्वा तु नैवेद्यादिभिरेव च ।।
राधाध्यानाङ्कितो धीरो वनमालाविभूषितः ।। ६ ।।
शतमष्टोत्तरं देवि पठेन्नामसहस्त्रकम् ।।
चैत्रशुक्ले च कृष्णे च कुहूसंक्रान्तिवासरे ।। ७ ।।
पठितव्यं प्रयत्नेन त्रैलोक्यं मोहयेत्क्षणात् ।।
तुलसीमालयायुक्तो वैष्णवो भक्तितत्परः ।। ८ ।।
रविवारे च शुक्रे च द्वादश्यां श्राद्घवासरे ।।
ब्राम्हणं पूजयित्वा च भोजयित्वा विधानतः ।। ९ ।।
पठेन्नामसहस्त्रं च ततः सिद्घिः प्रजायते ।।
महानिशायां सततं वैष्णवो यः पठेत्सदा ।। १० ।।
देशान्तरगता लक्ष्मीः समायाति न संशयः ।।
त्रैलोक्ये च महादेवि सुन्दर्यः काममोहिताः ।। ११ ।।
मुग्धाःस्वयं समायान्ति वैष्णवं च भजन्ति ताः ।।
रोगी रोगात्प्रमुच्येत बद्घो मुच्येत बन्धनात् ।। १२ ।।
गर्भिणी जनयेत्पुत्रं कन्या विन्दति सत्पतिम् ।।
राजानो वश्यतां यान्ति किं पुनः क्षुद्रमानवाः ।। १३ ।।
सहस्त्रनाम श्रवणात्पठनात्पूजनात्प्रिये ।।
धारणात्सर्वमाप्नोति वैष्णवो नात्र संशयः ।। १४ ।।
वंशीवटे चान्यवटे तथा पिप्पलकेऽथवा ।।
कदम्बपादपतले गोपालमूर्तिसन्निधौ ।। १५ ।।
यः पठेद्वैष्णवो नित्यं स याति हरिमन्दिरम् ।।
कृष्णेनोक्तं राधिकायै मयि प्रोक्तं पुरा शिवे ।। १६ ।।
नारदाय मया प्रोक्तं नारदेन प्रकाशितम् ।।
मया त्वयि वरारोहे प्रोक्तमेतत्सुदुर्लभम् ।। १७ ।।
गोपनीयं प्रयत्नेन न प्रकाश्यं कथञ्चनः ।।
शठाय पापिने चैव लम्पटाय विशेषतः ।। १८ ।।
न दातव्यं न दातव्यं न दातव्यं कदाचन ।।
देयं शिष्याय शान्ताय विष्णुभक्तिरताय च ।। १९ ।।
गोदानब्रम्हयज्ञादेर्वाजपेयशतस्य च ।।
अश्वमेधसहस्त्रस्य फलं पाठे भवेद्ध्रुवम् ।। २० ।।
मोहनं स्तम्भनं चैव मारणोच्चाटनादिकम् ।।
यद्यद्वाञ्छति चित्तेन तत्तत्प्राप्नोति वैष्णवः ।। २१ ।।
एकादश्यां नरः स्नात्वा सुगन्धिद्रव्यतैलकैः ।।
दत्वा भोज्यं ब्राम्हणेभ्यो दक्षिणां स्वर्णभूषणम् ।। २२ ।।
तत आरम्भकर्ताऽस्य सर्वं प्राप्नोति मानवः ।।
शतावर्तं सहस्त्रं च यः पठेद्वैष्णवो जनः ।। २३ ।।
श्रीवृन्दावनचन्द्रस्य प्रसादात्सर्वमाप्नुयात् ।।
यद्गृहे पुस्तकं देवि पूजितं चैव तिष्ठति ।। २४ ।।
न मारी न चदुर्भिक्षं नोपसर्गभयं क्वचित् ।।
सर्पादिभूतयक्षाद्या नश्यन्ति नात्र संशयः ।। २५ ।।
श्रीगोपालो महादेवि वसेत्तस्य गृहे सदा ।।
गृहे यत्र सहस्त्रं च नाम्नां तिष्ठति पूजितम् ।। २६ ।।
|| श्रीगोपालसहस्त्रनाम संपूर्णम् ||
संग्रह तथा टाईपिंग
केशव शरण लुईटेल
मिति- २०७४-०१-०४ गते बुधवार
जन्मदिनको अवसरमा
स्थान- बुढानिलकण्ठ १० कपन
९८४३३१३१४०
काठमाडौं नेपाल
No comments:
Post a Comment