Shivarudrashtakam शिव रुद्राष्टकम्

              || अथ रुद्राष्टकम्  ||

 

         नमामीशमीशान       निर्वाणरूपं ।
         विभुं व्यापकं    ब्रह्मवेदस्वरूपम् ।।
         निजं निर्गुणं    निर्विकल्पं  निरीहं ।
         चिदाकाशमाकाशवासं भजेsहम् ।। १ ।।

         निराकारमोंकारमूलं      तुरीयं ।
         गिराज्ञानगोतीतमीशं गिरीशम् ।
        करालं महाकालकालं कृपालं ।।
        गुणागारसंसारपारं नतोsहम् ।। २।।

        तुषाराद्रिसंकाशगौरं        गभीरं ।
        मनोभूतकोटि     प्रभाश्रीशरीरम् ।।
        स्फुरन्मौलिकल्लोलिनी चारुगंगा ।
        लसद्भालबालेन्दुकण्ठे     भुजंगा ।। ३ ।।

        चलत्कुण्डलं भ्रुसुनेत्रं विशालं ।
        प्रसन्नाननं नीलकण्ठं दयालम् ।।
        मृगाधीशचर्माम्बरं  मुण्डमालं ।
        प्रियं शंकरं सर्वनाथं  भजामि ।। ४ ।।

        प्रचण्डं   प्रकृष्टं   प्रगल्भं    परेशं ।
        अखण्डं अजं भानुकोटिप्रकाशम् ।
        त्रयः    शूलनिर्मूलनं     शूलपाणिं ।
        भजेङहं भावानीपतिं भावगम्यम् ।। ५ ।।

        कलातिकल्याण कल्पान्तकारी ।
        सदा   सज्जनान्ददाता   पुरारी ।।
        चिदानंदसंदोह       मोहापहारी ।
        प्रसीद प्रसीद प्रभो    मन्मथारी ।। ६ ।।

        न    यावद  उमानाथपादारविन्दं ।
        भजन्तीह लोके परे वा नराणाम् ।।
        न तावत्सुखं शान्ति   संतापनाशं ।
        प्रसीद प्रभो सर्वभूताधिवासम् ।। ७ ।।

        न जानामि     योगं जपं नैव पूजां ।
        नतोsहं सदा सर्वदा शम्भुतुभ्यम् ।।
        जराजन्मदुःखौघ      तातप्यमानं ।
        प्रभो पाहि आपन्नमामीश शम्भो ।। ८ ।।

        रुद्रष्टकमिदं    प्रोक्तं    विपेण        हरतुष्टये ।
        ये पठन्ति नरा भक्त्या तेषां शम्भुः प्रसीदति ।।

  

   ।। इति श्री गोस्वामी तुलसीदास कृतं श्री रुद्राष्टकम् संपूर्णं ।।

         संकलन- केशव शरण लुईटेल 

         कपन मिलनचोक काठमाडौं

         मिति-२०७४-०८-२८ गुरुवार